以下鐵路公司為兩鐵合併前之稱呼，敬請留意！

之前在Youtube睇番以前D舊新聞片，其中一集係講地鐵公司開辦地鐵接駁路線，引致九巴、中巴及專線小巴強烈不滿，話地鐵公司會搶佢地生意，之後城巴於英國購買丹拿巴士，準備開辦地鐵接駁路線，但被遭運輸署否決開辦。九巴及中巴把地鐵公司申辦的五條路線接手經營，但呢五條路線(九巴5M，11M，40M及中巴23M，24M)都逃唔過取消的命運...

睇完後，本人忽然諗到1988年輕鐵於元朗，屯門區服務、九廣鐵路接辦九巴元朗，屯門區內路線及“輕鐵專區”條例的一連串問題，望各位被友幫忙解答：
1.在八十年代，政府於元朗、屯門區興建輕便鐵路系統(輕鐵)，當時九巴有冇反對九鐵興建？
2.點解九巴願意將元朗、屯門區內路線(55，56，59，59B，61，61A，62，63)交由九鐵營辦/取消？唔怕被九鐵搶佢地生意？
3.在接辦路線時，點解連專線小巴路線(44[第一代]，45[第一代]，74A)都可以接辦/取消？究竟接辦路線的程序、商討細節係點？
4.九巴54號路線都係屬於元朗區內路線，點解九鐵唔接辦？九鐵可以似K65，K66呢D鄉村路線經營...
5.九鐵當年接辦九巴的路線，點解九巴仲肯借車比九鐵試車/路線？駛唔駛收錢？
6.1988年輕鐵通車後，九巴在果年虧蝕了幾多錢？
7.點解有“輕鐵專區”的條例？是否保障九鐵？
8.在“輕鐵專區”生效時，有冇曾經試過乘客與九巴司機衝突的問題？
9.你覺得“輕鐵專區”對九巴/九鐵黎講係好定壞？
10.如果香港冇輕鐵，整個元朗屯門區都依靠巴士出入區內的話，而家兩區會變成點呢？路線、用車也如何呢？

開post的原因係本人對元朗、屯門區的交通發展有感興趣，藉此知道有關交通發展的歷史！唔該版友解答以上10條的問題，thx！！！

個人意見：
1. 九巴當然反對啦，由於政府及九鐵當時為了解釋新界西北往返荃灣的長遠交通問題，九巴點講都要讓路
2. 唔係九巴意願，係運輸署意願，記住九鐵公司的唯一股東係政府
3. 與九鐵有直接競爭或涉及輕鐵專區經營權，都要取消，由輕鐵或九鐵巴士行走
4. 路線 54 所有範圍雖然係元朗，但係當時凹頭、錦田、八鄉等地係屬於農地，所以九鐵讓出呢條線俾番九巴搞
5. 唔識唔答，但係真係借車嗎？當時已經有九鐵巴士到港啵！
6. 冇，而且有全新的 X 線 (特快) 系列產生，例如 58X / 59X / 60X....等
7. 你知唔知接辦後，九鐵路線與九巴路線會有嚴重的重疊，而且九鐵為了發展一個地區性的鐵路服務，要有專利保障利益，輕鐵專區的設立係無可厚非！
8. 有，我見過有個師奶係搭 59M 去到蝴蝶輕鐵站時，佢同司機講屎急要落車，佢話輕鐵專區係唔俾落車，所以佢去到新屯中站時，趁司機打開上車門時，即刻急急腳落車！
9. 輕鐵專區對大眾來說係好事，大家唔洗多想，係屯門元朗搭九鐵就得
10. 不敢恭維，全部巴士會搞到好似沙田咁樣，太多巴士，屯門及元朗路段會更塞車！

5.因為當時九記撤出服務
但LRT未通得車
而接駁巴士得幾十部
根本唔夠用..
惟有問KMB/CTB租番2-3個月車頂一頂番D服務

唔好講到九巴咁慘 利益交換吧  

早於1970年代發展屯門新市鎮的時候，香港政府便已預留空位以興建鐵路，但事實上政府當時還沒有決定交予哪一間鐵路公司負責營運。直至1982年，政府邀請擁有香港電車有限公司的九龍倉集團，建造及營運鐵路系統。該公司最初表示有興趣興建這條鐵路，並打算以雙層電車、類似香港電車的形式行走，但最終表示無意建造這個系統，於是政府及後又邀請了當時剛成立的九廣鐵路公司建造鐵路系統，該公司最終於1984年中，決定接納，並作出研究。最終，九廣鐵路公司批出輕便鐵路第一期系統合約予澳洲禮頓城市運輸集團，輕便鐵路系統便於1985年7月14日正式動工。

當時屯門區及元朗區已有巴士網絡，當中約有10條路線跟計劃中的鐵路網絡重疊。可是政府引入「輕鐵專區」概念，最終使原來的營運商九龍巴士（九巴）放棄經營來往屯門區及元朗區之間的巴士路線（如59、61、62），以換取讓九巴開辦來往屯門、元朗至市區的多條巴士（如58X、59X、69X及67X）。此外，政府亦同時引入措施，分別限制九巴在專營範圍內的上落客，及批准九鐵公司營運可收費的接駁巴士（即現時的港鐵巴士），於區內接載乘客前往輕鐵車站，用以取代九巴及專線小巴的原有路線，從而在財政上支持輕便鐵路的營運。