由上年12月尾開始 (而家10個半月大 得16磅幾)
我個女差唔多餐餐食乜嘔乜
每日至小嘔一至兩次
有時會餐餐都嘔
佢好唔鍾意食野 只要見到野食
仲未餵佢第一啖 佢已經咳定
之後作嘔......
有時會差唔多餵哂果陣先黎嘔
佢每餐已經食好小野
例如：bb碗 半碗粥仔   3-4安糊仔

佢又唔似係有厭食症
因為朝早果餐奶 佢會扭肚餓
但係都係飲得果2-3安
淨係朝早果餐奶先唔會嘔..

各位媽媽...我唔知應該點做...
每一日睇住佢食乜嘔乜 真係好唔開心
咩營養都冇...好瘦好瘦...

之前去健康院我問過醫生
但係醫生淨係話：d bb係咁架...
我諗住聽日帶佢去睇私家兒科醫生
希望有幫助啦...

放松D吧，我個女都係梗，由開始喂食物到醫加她21個半月食野都係作嘔，有時會全部嘔出來，因為她唔鍾意食任何食物，奶又唔肯飲，又唔願咬碎D食物就吞，所以就算食少少野都會作嘔，喂到她嘴邊沒食前作嘔先，見她餐餐都食到好辛苦我都唔想喂她！有時真係唔知怎樣做，唉！唯有挨挨......！

我家姐個仔細時飲奶, 飲幾多嘔幾多, 食飯食得太飽又嘔, 我家姐都唔知幾担心, 睇左好多醫生都搞唔好, 醫生只係叫佢食小d, 但係來佢會習慣同控制, 到依家14歲牛高馬大, 都唔知幾食得, 成150磅