好慘呀,我呀b日頭成日都訓3個字至半個鐘就醒, 有時好倦都無得休息又無時間做自己嘢...
有冇計仔可以令佢訓長d時間. 一般果d方法我都試過 , 例如,黑d,音樂...
. 大家俾d意見呀!唔該

你個b幾大呀?  我個女初初出世都係咁架, 有時仲要我抱住佢訓先得

我平時會開住音樂"暗"佢訓, 就算佢訓左都由佢聽住囉, 聽到隻cd完為止.  佢大約去到半歲都可以訓到兩個鐘頭晏覺

都5個月大啦!

由20日左右到依家都係咁.

開咩音樂架.洗唔洗抱住先訓得著? tks

其實冇計,佢要醒就醒...
不過我主張.1歲前BB一喊,就去抱佢.安慰佢.佢有左安全感,之後就會好D.
信我,唔駛驚抱慣,佢有左安全感,大D冇喊咁多,反而小要你抱.

陰功, 睇你既形容都 feel 到你好辛苦~

有個講法: 小睡訓得咁短 (30 min 或更少), 係過度疲倦 (overtired) 既典型表現,
BB 由 深睡期-淺睡期 之類之間 switch 既時候, 唔夠放鬆, 所以直情醒左, 訓唔返~

我既建議係, 至少連續 3 日, 盡量比佢休息,
試下幾日都唔好出街, 玩D靜態既活動 (尤其是唔好睇電視),
佢一有眼訓既跡象就比佢訓, 夜晚黑都早D比佢訓,
務求打破哩個 overtired 既惡性循環~

多謝你的意見,我會試下睇下有無好d.

我個仔8個月大啦. 都係要抱住訓, 唉一放低就醒, 又咸又叫, 我真係好辛苦, 唔知要幾時先可以舒服D呢, 不過好彩佢夜晚唔係咁

我個仔仔由初生到而家5個幾月都係咁,  日間訓得好少, 每覺都係15-30mins, 間唔中會訓到個幾鐘, 不過係要全程揹住, 一放底即醒, 搞到冇晒時間做其他嘢...夜晚反而唔使抱, 食飽奶擺落床就自動訓覺..

我記得我大仔果陣到4月都係甘啊,訓吳夠半個鍾就大叫勁喊,要抱!!之後我俾左驚風散距食左幾次就無野啦!不妨試下,我覺得幾得軋!!

其實，好多時聽人講D BB都係噤喊。不過，有老人家教我，BB 喊 通常兩個原因:

1: 未夠飽所以瞓唔 "林"
2: 肚唔舒服，不一定係痛，係唔舒服，有分別

而我的經驗係BB有濕疹都會瞓唔到，我個B 1個月左右，都係瞓唔到，因為有濕疹，但我幫佢查左藥膏，佢即刻好左好多。之後，晚上瞓的好好，2 個月自己介咗夜奶，瞓7、8個鐘，而加大咗瞓到10至12個鐘，下午就1至3個鐘。

總之，有小許唔妥先會唔瞓，我諗你應該無俾開奶茶你個BB飲，如果你唔想俾樓上講的驚風散BB食，你可以試下開奶茶，溫和D，如果小小肚仔唔舒服會OK。

我剛剛看完本"親?雜誌baby",係今期2月份既,咁arm講如何教bb獨自入睡.
我覺得幾arm.因為我都好似本書所講"不要抱著bb睡覺."大家可以參考,
本書都係廿蚊有找.