新年有什麼做得, 唔做得...
有沒有人可以幫吓手亞...

1. 年二十八, 要清潔, 之後是否不可以?
2. 洗頭呢? 幾時唔可以?
3. 初一, 初二 不可掃地
4. 初三不可拜年
5. 年30晚幾點去行年通宵好?

有些人初一唔洗澡呀, 要穿紅底褲.
我見過初三拜年真係唔好口的...

年三十拜完神就唔可以洗頭，其實初二你拜完神做左開年就可以洗頭，(如果屋企有拜神)

1. 年二十八, 要清潔, 之後是否不可以?
點解唔可以,dirty就要清潔la

2. 洗頭呢? 幾時唔可以?
睇你家人鬧唔鬧你la,我就唔理既日日都洗,唔洗點見人

3. 初一, 初二 不可掃地
我都有掃,但向屋中間掃

4. 初三不可拜年
赤口怕鬧交唔拜年

5. 年30晚幾點去行年通宵好?
11點開始行,唔係既你行唔到通宵

初三拜年會鬧交
通常都係因為有一方人覺得赤口黎拜年明玩野
於是好易就鬧交
其實本來無乜野
睇你信唔信邪

過時過節, 好有氣氛, 都係因為有它的習俗, 年三十吃湯圓, 特別開心, 一個家都係要有過節氣氛, 男人, 仔女都會好開心...

初三是口角，一般我會去拜神。 年廿九都可以大掃除，無所謂。

各處地方各處例, 兒時我家是:

年三十晚, 亞媽一定要蒸年糕, 小孩子不准入kitchen, 怕小孩子亂說話不吉利, 糕就會蒸得不好;
年三十晚, 團年飯加吃湯圓, 飯後才可貼揮春, 後生要越遲訓越好, 若守天光重好, 即"守歲", 因寓意保祐家中的老人家或父母可長壽d;
年三十晚至初四, 客廳都要晚晚長開燈火到天光,
年初一, 要選好時辰拜神吃 "jai", 約是半夜三更, 零辰2或3時都好, 都會叫d 細路訓訓吓起身食 ga;
年初一 wake up, 一落床要用新拖鞋, 寓意踩小人;
年初一, 亞媽會'針'茶給老人家, 茶裏要加入連子ga;
年初二, 亦要選好時辰拜神吃開年飯, 約又是零辰半夜三更, 一樣訓訓吓就要起身食 ga;
初一至初四都不可掃地, 有垃圾要用手撥好和拾起, 即使不掃不可時, 亦要重門口掃入, 免得財氣給掃走;
初七是人日, 又要齊人食得豐富d;
要過左初七後, 才可洗頭或剪髮;
初十五, 又要齊人食得豐富d加吃湯圓;
"全盒"要擺放足一個正月, 才好收起待下年用.

先講住咁多, 祝各位心想事成!