自己係成長的家庭唔開心，
好怕將來成家立室，
做左人父母就會變到佢地咁，
我真係好怕，
男友都有暗示過結婚，
但我次次都避而不答，
借頭借路轉話題。

暫時都唔想生.始終覺得經濟唔太好,自己同老公又未夠成熟.

結婚跟做父母是兩回事。你們拍拖多久？

既然你知都自己家庭有咩唔好﹐將來唔好重蹈覆轍就得啦﹐咪當係自己既反面教材咯。
唔使怕做父母或結婚既﹐甘樣就駝鳥咗D

既然本身屋企唔開心，點解唔用自己既力量去改變呢??
明知以前屋企唔好，就應該借鑒警惕自己，要自己positive d。

結婚都可以唔生仔架!我同我老公結婚八年都怕自己唔識教小朋友,所以唔生囉@@

我成日覺得自己父母管得我太勁,所以好唔開心
同埋我覺得佢地唔係鍾意小朋友先至生我出黎,只不過佢地想老左有人養
加上佢地又好鍾意去插手其他人(朋友,親戚)既教仔方法,特別係自由度方面
我已經預見到,如果第日我有仔女,我又俾好大自由度佢既話,我父母一定會出面阻止,甚至會覺得我唔識教仔,不如俾佢地教仲好
所以我都好驚佢地
我唔想我既仔女同我一樣唔開心,不如唔好生算

唔一定要生仔, 二公婆生活開心就夠

我都係破碎家庭長大, 童年都唔快樂, 不過我冇抗拒婚姻, 反而未生b之前都唔想咁快做媽咪, 覺得好大責任

不過一個意外令我改變左好多, 我而家錫個女既程度係連我老公都唔相信, 身邊所有人都唔信我可以為個女付出咁多~

我係一個個別例子, 亦唔贊成你用黎搏一舖, 因為bb出世就係一條人命, 如果你仲存有一點"怕", 就唔好做人父母喇, 到你克服左你既心理障礙先啦

我都幾矛盾，好想做人父母，但又怕自己做唔掂！
現時 d 細佬 IQ 高到冇人有，我怕我教佢唔掂，所以都是唔生就算啦，費時勞氣！

因男朋友同佢媽媽勁鐘意小朋友，
其實我自己就未有準備可以做人父母。

其實，我係怕「家庭」呢個概念，
我好辛苦才從中得到自由，
唔想又跳入番過籠度。

怕。怕。我同老公都不打算生小朋友。