二星fun會員
|
1#
大 中
小 發表於 2009-1-30 00:15 只看該作者
做一個好男人
以下係我今晚真實經歷:
我屋企係低下階層 , 住係一幢商業大廈。原本我係屋企做做下功課 , 突然屋企門外有一陣好大ge砰砰聲 , 於是打開門睇下咩事。但係門都未打開 , 就聽到有個女人話"打人呀!" , 跟住又有個男人好惡咁話"佢係我老婆 , 唔關你地事!!!"我知道我幢大廈品流複雜 , 如果出面個人係黑社會人士 , 我又多管閒事 , 可能會好麻煩 , 所以好自私咁無開門。但係之後又依然砰砰聲 , 又聽到個男人話 "你敢「旭」手!!!" , 跟住個女人又叫"俾番個手機我 , 我要報警!"。但個男人反罵"報咩警!!!"
咁樣攪左一大輪後(大約15分鐘左右) , 終於有人報警。警察到左 , 個女人即刻哭住咁講"阿sir , 佢打我.....鳴鳴鳴........佢搶左我部手機 , 唔俾我報警............鳴鳴鳴..........."但係因為家庭糾紛 , 警察都做唔到咩 , 只係不斷安慰個女人 , 問佢有無受傷。個女人仲係咁講"............鳴鳴鳴.........我應該無咩傷............鳴鳴鳴.........但係我好驚............鳴鳴鳴.........佢「叉」住我條頸...........鳴鳴鳴.........又唔俾我報警...........鳴鳴鳴........."之後個警察又問佢咩事 , 個女人哭左好耐 , 先同佢講"我要告佢通姦!...........鳴鳴鳴.........佢無做野 , 又同女人返鄉下間屋攪埋一堆 , 俾我6歲大個女見到...........鳴鳴鳴....................我想同佢離婚 , 佢又唔肯...........鳴鳴鳴.........鳴鳴鳴....................鳴鳴鳴........."之後ge事我諗大家都可以估到 , 個警察好無奈咁同佢講家庭糾紛佢地幫唔到手 , 但係可以同佢搵社工同律師 , 跟住過左一陣又有個社工黎到 , 件事先慢慢平息。
我打左咁大堆日日可以係報紙見到ge家庭糾紛想做咩?我係想希望各位男仔可以對感情專一 , 尤其係結左婚後。我都係一個男人 , 我明白男人係天生好色 , 而且食色性也 , 并無不對。但并非代表可以有外遇或包二奶。既然已經結左婚(或拍緊拖) , 就已經代表認定左對方係自己ge Mr./Miss. Right , 已經係一種承諾。唔好話一D咩「感情到 , 控制唔到」之類ge理由 , 結婚并不是兒戲 , 如果未揀定或未肯定對方將會係自己最終的選擇 , 倒不如不要結。亂決定結婚 , 最終一定會以類似的悲劇收場。結了婚 , 就代表選定了對方是終生伴侶 , 是自己最好的選擇 , 更應該全力咁愛護包容對方 , 唔會再有「感情到 , 控制唔到」
最後我覺得作為一個好男人 , 係唔應該令自己所愛的流淚。老婆係應該娶黎鍚ge , 如果一個大男人 , 對個老婆郁手郁腳 , 絕對值得我地去鄙視。
如果認同而又喜歡我的意見 , 大家可以回覆頂一頂 , 作為一種支持。
|