呢個問題問左好耐..
例如係個仔出門口時, 個阿媽問一句幾幾返/煮唔煮你飯/早O的返之類的小問題,
之後個仔好惡咁鬧鬼阿媽就出門口走了.

你地覺得呢個仔第時會唔會一樣咁鬧鬼老婆
我問左好多男男女女, 佢地都有不同意見......

想問下為人父母的會唔會分折得清楚O的. thanks~!
另外想問, 對阿媽同對將來老婆態度會唔會一樣.
因為佢對阿媽同對女友兩個面孔.

睇人架咋喎    黎個問題係難d既   
以我性格回答就係      我兩個哥哥就禮貌回答返同唔返黎食飯果類既
我就有時負氣說話回答   我前夫之前唔返黎食   問佢
佢都有時負氣說話而答   有時正常話   唔返就收線

一定會....
因為呢d先係佢真正ga性格...
佢對自己屋企唔好...
第時都唔方好得去邊...

冇定嗰喎, 因為每個人性格, 家庭背境都唔同
同父母之間有咩故事發生過, 都唔一樣
所以冇絕對答案

佢對住屋企人先會有最真既一面，而家你唔煩佢，佢更係唔會啦~
但當你長氣少少，佢就一定會!!!
無論男或女，睇佢對屋企人，就知佢份人係點樣。

o甘又未必既......要睇返個仔宜家幾歲，如果係反叛期都可以睇睇先，
但係如果上左廿零歲，o甘呢個男仔好極有限，
仲有如果個男仔會打女人.......無論你原諒佢幾多次佢都唔會改，因為我身邊有唔少例子

佢對阿媽同對將來老婆態度會唔會一樣我就唔知， 但如果將來佢有仔女嘅話，仔女就多數會咁樣對番佢囉。