年初二去左婆婆屋企拜年
原本都開開心心既
果日我地D袋放晒係婆婆間房度
好多人都有入過去 我都有
但佢今日先發現佢間房唔見左條金鏈
懷疑比人攞左  攪到個個都有嫌疑 (但全部都係自己人)
D親戚又打電話黎同我媽猛咁呻
好唔開心呀

其實都唔係第一次唔見野架啦
之前都試過好幾次
其中有一次係我同媽媽 弟弟 去婆婆屋企
其他親戚都係度
我地個個又係放晒D袋係婆婆間房度
到走果時我媽同婆婆都發現個銀包唔見左幾百蚊
搵左好耐都搵唔到
攪到個個都你估我我估你咁
但因為次次唔見野果陣我都在場
我覺得D人懷疑係我做既

我個心好唔舒服呀
點算好呀

你無做過，又駛乜擔心！
主動出擊叫佢地報警。

你冇做過 駛咩認喎
我諗佢地唔係咁唔講理人掛

係呢兩次之前我媽媽係屋企都試過唔見錢(佢久唔久就話銀包唔見左D錢)
佢果時以為係我爸爸攞既
但我媽同婆婆一齊唔見錢果次我爸爸唔在場
所以佢先開始懷疑係我做既
我明白清者自清呢個道理
但我個心都係好唔舒服
唉~~

咁呢兩次你弟弟o係唔o係度呀?why佢地只係懷疑你呢?會唔會有人賊喊捉賊呀?我係你下次就自己個袋o係身~一係就臨走叫人cheuk袋~

算把啦，想得多，煩更多， 分分鍾會儍！

唔想佢，唔諗佢，話知佢， 得咗笑噃。

頭向天，腳向地，理直氣壯， 何話不可對人言。

再有事再算啦 ，得閒諗吓啲利是點用好過啦 。

的而且確會~~不過做唔做就睇你地自己囉~不過起碼你臨走先講~先會整到個賊防不勝防丫嘛~同埋佢唔會再有下一次囉~因為佢唔知你下次會唔會又忽起根cheuk架嘛!同埋就算捉唔到人~人地都唔會懷疑你啦

唔係對聯，只不過心感而發啫。

做人咁煩做嘜？笑一日喊又一日，你想笑定喊呀？

笑吓咪算囉，外出上班或上學重未煩完呀？

大棚戚友食餐飯...又要煩！

雖然自己唔多笑，都想大家多啲笑嘛。