如果大家有睇我之前果2個POST都知我屋企D有幾衰,而家又有2單新既MA煩野,我哥條女幾個月前打比我,佢用長途打我手提,因為佢住大陸,開頭我都唔知咩事,我以為是乜水,聽左又之可,一聽就把鬼火,佢條女係咁問我做咩唔聽佢電話,之後問佢邊位,佢先知我唔係佢條仔,問我佢阿哥係邊,問左好多野,我答佢唔知,咩都唔知,我跟住同我阿哥講返,佢果時在場,佢話我唔應該唔好話唔知,應該話唔係屋企,我心諗,關我咩事,你2條友仔嘈架關乜Q事,真係興,點鬼知,過左排,到左今早,5:48分,我係條女屋企果時,又有個長途電話打來,打左十幾次,我忍無可忍,我睇下邊條食屎狗,我估應該係我哥條女打來,我唔那聽,整左震機,放在係台度,點知佢又打來,打到我電話震度掉左落地下,我立刻關機,痴那聲,返到屋企,質問我哥,佢居然約無其事,真係激到我爆,真係有咁既男友先會有咁既女友,佢2條粉腸都唔理人感受,我話過咪洗指2要我叫佢做阿嫂,食屎有佢份!!!
另外一單又係好無辜囉我,我媽個同事同佢老婆嘈架,佢老婆成日打我屋企搵佢老公,佢老婆,我唔知佢係唔係有精神病,成日打來搵老公,大佬呀,你老公唔見左關我咩事,我之後同返我媽同佢個同事講,叫佢度話下佢老婆,我媽話叫我用粗口問候佢,而個同事就話佢老婆點衰點衰,大佬呀,我唔想知囉,我只係想佢唔好再打我屋企,點知,佢照打來,今日仲打來問我屋企點去,我話唔知,之後又打來,我話乜都唔知,佢條友仔照打,我今次死都唔聽,之後佢先聽,唔知一陣會唔會打來,聽我媽同事佢老婆成日同佢嘈都會掉屋企D野出街,有D痴痴地,我有D擔心佢如果搵到我屋企會唔會搞事,唉真係煩到死囉,我而家已經間唔中有D情緒失控,有時我表哥一講D串我既說話,我就會好似食左火藥咁,成個人好興,好大聲咁罵佢,大約5-6秒就冇事,我唔知咁算唔算係情緒失控,因為我之前未試過咁,唉,真係想社工或者心理醫生睇下