經濟環境已經惡劣，我們幾兄弟姊妹中有人更成了失業大軍，我老豆都不懂為我們設想，月尾牛一要一如以往在大酒樓大宴親朋。 環境好就沒有問題，但我們各人都有自己的負擔和壓力，供樓、小孩上學、各樣開支．．．．．為何作長輩的不會為後生想想！！！

如果一年有一個失業, 長輩都要為你地著想而唔搞, 咁到幾時先可以搞生日? 生日話就話一年先一次, 但係人一生又有幾多個生日呢? 佢地上一輩人好珍惜同親朋戚友聚會GEI 機會, 拉近關係又好, 展示財力又好, 或多或少都係有私心, 不過一年先一次, 你咪由得佢囉~~ 如果十幾廿萬就話啫, 萬零蚊又有得食, 又有得開心, 你咪俾佢一年開心一次囉~~

親戚唔多的話，不如試下叫外賣返屋企搞啦，慳好多！

照實情Ｄ佢講,再唔係咪叫佢出住先囉,有錢你地再比返佢,不過生日壽宴沒有人情收既咩?

錢銀搵得來就預左要洗，我們兄弟姊妹又不是不幫老豆攪生日，只是感到他的態度有問題，沒有過問我們的近況和能力，就下令要安排酒席。也許你說得對，他是為了展示財力，或要在親友前攞彩，告知全世界他有幾個孝順仔女。
但老實說，我相信當晚只有他一個人開心，全家上下都會不太開心。

既然有兄弟姊妹
父親搞生日宴都唔算好過份
失業又點
佢老人家後生時候養你地幾隻化骨龍
你以為佢好疊水咩
十幾廿年米又係咁頂硬上挨落去

講劣境
你拍馬都趕唔上班長輩
個世界係咁挨出黎
唔好講到失業或金融海嘯咁大陣仗
有要求才有進步

會唔會係特別歲數, 如60, 既大壽呀?

生日只是一年一次,我都想同我老豆慶祝生日,但係佢都已經唔係度了,樓主,珍惜眼前人呀!
有時好多野都係無左先會珍惜,同老豆慶祝生日應該開心先係的.更可況用既錢係有限既,相信唔會需要駛好多錢的.

咁你地無能力負擔  唔通都要硬上頭皮頂硬上?
你老豆真係羅彩羅到唔知世界係點呀

大有大搞, 細有細搞, 試下問下你老豆可唔可以去d平ge茶樓搞算...搞返幾圍請d親戚請下飯聚下舊就算

樓主,呢餐飯食得你幾多錢呀?????
咁點解你又唔為你老豆諗下.......
佢仲有幾多個生日呀?
我好想幫我媽咪搞呀,但以後都冇機會喇!!!
錢對你黎講仲重要過親情?

如果我媽咪係度,你叫我年年帶佢食鮑蔘翅肚我都願呀!!!

以家得番爸爸,只要佢想食咩要咩,我地都會盡量比佢.

唔該你珍惜下呢d機會la...

生日酒好平啫﹐食得你幾多錢? 就算擺夠十幾圍都係有限錢啦﹐自己個老豆咪豪比佢咯。
失業? 揾份part time 啦。你老豆唔食﹐我估你自己都要食掛?