我家姐係租屋住嘅.佢琴日發覺雪櫃下格開始唔夠冷(上格OK夠凍）喎，話可能要陪返個比業主喎，但我就覺得有D問題啦．

１）點解唔搵人整返部雪櫃呢？　（家姐話雪櫃係買樓時送架，而家樓齡都十幾年，有租過咁多手，壞係我手都唔出奇．同埋上格仲凍下格唔凍即係壞咗冇得整．）

２）可以同業主講吓換嗰部架？　（家姐又話業主係一個好麻煩嘅人嚟，租咗幾年住但係關係一D都唔好，仲話一部換一部，發神經！！！）

３）不如自己買過部新雪櫃用，比返部舊雪櫃佢咪得囉．　（家姐話業主唔肯囉走嗰雪櫃架，同佢講只會叫我自己諗辦法，留返淡氣暖肚啦．）

４）咁又唔得，咁又唔好． 家姐，不如你搬走把．　（家姐話：而家要搵返一間幾年前平租嘅樓，都冇咩可能，家吓d樓又貴，我又冇錢搬呀．）

各位人兄，意吓如何啦．？Help Help Her,Thank You!

1.如果個雪櫃o甘樣壞法就算整返都好快又壞過，因為我係過來人，仲有整一次都要$500，如果師父手勢好都可以捱Ｄ，如果唔係就.......
2.業主租比家姐包雪櫃咩點開口佢換呀？
3.你叫賣佬黎收或者比幾廿蚊垃圾佬攞走囉！
4.如果你家姐有能力就唔會要顧及o甘多野啦！

租屋唔同租鋪
租鋪....業主可以什麼都不理修理自理
租屋....間屋有什麼問題業主有責任修理
如業主不理...自己買部新..舊的掉去到搬時帶走部新
不過要和業主簽張同意書
唔係到你搬走時屈走你部雪櫃

但我知道租約有寫明租比我家姐時有咩電器比佢喎．咁業主有冇責任要修理呀？

我之前都試過租屋企.
咁啱個門鎖壞咗, 同業主講...
佢竟然一口反咬我, 話個鎖好地地如果唔係人為的話, 點會壞呀...唔負責.
我當時好激氣同佢地嘈, 唔通我特登自己整壞個門鎖嚟等d賊嚟打劫呀...
嘈咗好咗之後, 先肯一人一半...
用得耐呀, 咩都會壞啦...
後尾激氣得濟, 等到約滿咪搬走囉.

叫你家姐就算買咗個新雪櫃, 都唔好掉舊嗰個,
如果唔係到時交樓的話, 佢會要咗你部新雪櫃走的.
再唔係, 佢話要返部同款的, 你比唔返佢, 佢屈你幾千都夠煩啦.

樓主
你家姐果度幾錢租,住邊度呀??
而家點會搵唔到平屋呢??

租屋包雪櫃咁得意既?照我覺得自己買個新雪櫃,但舊既唔好掉,到遲下你家姐搬果陣咪比番個舊雪櫃業主囉,到時你家姐都搬左喇,業主唔會理的

依家好多私人樓本身已經有齊雪櫃,洗衣機同冷氣機等等... ...因為,我住個度都係有齊.
點講都好業主租比我既時候真係冇事,係我用咗咁耐有問題,唔係太貴自己都會修理.
除咗煤氣爐就一定要搵人修理.

睇下搵人整唔整得返先
整唔到既咪買過部  舊果部  問業主掉唔掉得囉    佢話1定唔可以搬走既  就擺住你家姐是但1個位到由佢發毛   
如果整到而業主又唔很比錢  咪你家姐比返  始終 都係你家姐用
同埋你家姐住黎到之前無查清楚 屋入面d家私????

我個業主會定時定後問我有冇野整，畢竟呢啲真係佢既責任，到爛左既時候佢蝕底﹗
當然有啲衰業主會趁你唔識屈你，你唔同佢爭取就變左你蝕底﹗

租約有包.歸業主,最重要係要自然損耗,舊樓比番部差不多操作正常就ok.