以前一家人生活得很開心!!
但媽媽大約三年前去世了..
爸爸一年半前娶了一個後母..
一直對她沒有甚麼感覺..
但最近愈黎愈唔鍾意佢..
覺得她經常針對我..
而老爸就好似有點gnore我地三姐弟..
特別係我..
好似年初一去山頂..
影相個陣..佢不斷同後母影..
一張都無同我地三個單獨影..
我同他的relationship好似only建立在金錢上..
無愛可言..只提供物質..
同時..佢地有時的親密行為..
看在眼裡..個心真係好痛..
因為覺得佢已經忘記媽媽..
可能我真係接受唔到有另一個人..
現在..我真的不太想留在家中..
想每日去自修室溫到好夜至返..
一想到以後的日子..
真係覺得好難過..
甚至想..媽媽為何還不帶我走呢？？
好辛苦..好辛苦..

樓主, 首先你絕對唔需要懷疑你爸爸對你ge愛,
你係佢親生ge,
佢點都係錫你多過個繼母架嘛~
事實上我唔相信你爸爸已經忘記你媽媽,
影相好小事姐~
可能你爸爸覺得以前同你地影相都影左好多,
想同繼母影下呢~
如果佢唔錫你地,
做乜唔兩人拍下拖,
帶埋你地幾個去先~

你話你同爸爸ge關係建立係錢上面,
以我個人經歷黎講,
我爸爸成日都塞錢比我,
驚我唔夠用,
其實都係佢ge關心黎~
始終爸爸係男人黎,
唔似得媽媽咁會隨便表露自己對仔仔女女ge關心,
咪用錢搭夠囉~

我同你背景都差唔多,
媽媽前幾年過左身,
近幾個月我唔覺意聽到爸爸半夜同朋友講電話,
話佢而家有個女朋友,
但因為驚我同哥哥接受唔到,
所以唔敢向我地提,
更加唔敢打算再婚,
而事實上我真係覺得爸爸比以前開朗左,
個人輕鬆左好多,
我都不知幾多謝果位女性,
雖然我唔可能叫佢一聲媽媽,
但我都好想認識下佢,
同佢一齊生活~
只要爸爸開心就冇所謂~

見到樓主你問點解媽媽唔帶埋你走,
我覺得好心痛.......
我唔清楚樓主你ge情況係點,
但係我記得我媽媽臨走前一直好努力想生存落去,
佢同佢最好ge朋友講,
佢最想就係見到我同哥哥大學畢業...
媽媽係臨走ge時候最記掛ge仍然係我地ge未來,
相信你媽媽一樣,
唔好再講d咁傻ge野喇,
唔好令你最愛ge媽媽到而家都仲要擔心你~

你呀爸咁衰嫁,你同佢講囉
一係就食佢多d住佢多d讀多d書到時自己搬走搞掂
我屋企同你差唔多  我都諗著遲d自己著

有咩心思....直接同dad講.....
唔好怕...
最好係食飯時....大家一齊傾下....
親母點都係好過後母....
如果後母做d野做得太過份...可以直接同佢講....
唔好收收咪咪....

天下後母有五分四都係衰人，仲有樓主你母係o米大陸人？

我老公個哥離婚後娶左個大陸老婆，個大陸婆不但成日蝦我個姪女，

似住生左個仔，仲成日向我大伯面前話我個姪女不是，又話姪女夾埋Ｄ姑姐，

我老公奶奶一齊蝦佢，令到佢淨係可以係呢係房，

我大伯竟然信佢講Ｄ野，有幾次仲差Ｄ吵大交，

所以樓主宜家講乜都無用，你爸爸同o個個女人仲o甘新鮮，

一定唔會聽你地講任何野，其實如果有能力可以搬走我都贊成搬出住，
如果唔係只會同爸爸既關系一路差落去.......

搵個機會同你老豆慢慢傾下囉
一家人收收埋埋好易有問題
如果傾完重係咁咪等到自己有經濟能力再搬出黎住囉
唔係可以點

畢竟都係一家人，可以試下傾下你心中的感受既。如果唔得，就當冇都見唔到，俾心機讀書，到有能力時搬走。

樓主睇開的，可能你一早對後母有偏見

樓主你幾多歲呀﹖

你係咪最大果個丫?
其實你爸爸未必係ignore你地,通常男人唔識去表達對自己仔女既愛
我覺得你可以趁你後母唔係度時同你爸講出你既心聲,好過佢係度估估下,個隔膜會愈來愈厚

一個月後18..
我係排第二..
我後母係大陸人..
新年同老爸同細佬去旅行..
雖然唔會話好好傾..
但都唔錯..
唉..我都唔想唔鍾意後母..
但有時真係好難頂..
家姐就黎a-level..
我就下年..so我地會一齊去自修室..
唔多想stay hm- -