怎麼辦?!
我今年16歲, 係屋企既大家姐, 仲有一個細我8年既細佬
我琴日過左一個最唔開心既情人節......我唔想爸爸媽媽離婚
我好想挽救, 即使唔可以改變離婚Li 個事實, 我都好想可以修補關係得幾多就幾多
其實, 佢地話離婚都好多次, 但係次次都係單方面講, 唔會係對方面前講
有幾次我媽媽仲叫我代佢,同我爸爸講話要離婚
但係, 身為一個女兒, 我又點咩可以講得出口呢?
到左琴日, 佢地又因為一D小事而鬧交,
如果我以一個旁觀者去睇, 佢地2個都唔岩, 原因我下面會講
但係, 今次佢地終於忍唔住, 話要離婚....
當時我係我間房裡面訓緊覺,
我係俾佢地既爭吵聲嘈醒既
我聽到佢地好似有打交既聲音
但係我唔肯定, 因為我根本就唔敢出房
後來, 我爸爸佢離開左屋企, 成晚唔知去左邊
而我媽媽係佢走之前仲要加多一句絕情既說話: 你要走你自己走,唔好渣埋我架車走!!!!!!!!!!
唉~ 我係我房既窗口望住我爸爸既離開, 我又可以點丫
喊, 就一定, 但係喊完, 我都係要面對Li個問題
而家我既心情完全係平伏左
但係, 我唔知點做先可以挽救到佢地既婚姻
我分析過佢地關係變差既原因, 其實2方面都有問題.
首先係媽媽方面, 我媽媽係一個好主觀既人, 佢諗野好多時都係以佢自己為中心.
姐係, 好多野佢根本唔清楚就要加上自己既意見, 成日都話"我覺得係點就點"
佢係溏心上之前就已經講" 我講既野就係法律"
而且, 可能由於佢係工作果度係一個管理層,
佢返到屋企就係中意管人, 而我爸爸就係唔中意俾人管....
加上, 我媽媽從來唔會認錯, 錯左都要死撐,
而我爸爸就中意指出人地既錯處, 所以佢2個成日都有衝突
跟住係我爸爸既方面,
我爸爸佢係一個冇生意頭腦既人, 做左生意咁耐都俾唔到$屋企, 只係夠佢自己用
而且, 佢非常之衝動, 成日唔諗後果就去做, 好似有一次佢發脾氣, 係吐露港中間落左車就走左....搞到我地擔心都好耐
仲有, 佢係一個大男人主義既人, 成日覺得自己就係權威, 唉~
而最慘既係, 佢全世界既人都信, 就係唔信我媽媽, 而好多時都係我媽媽岩既, 所以又係火藥位
而佢地2個都有一個死穴, 就係2個都咁中意安排....
我媽媽佢就安排我地Plan A
我爸爸就安排我地Plan B
2個都話自己好D....又鬧交
不過以上既原因都唔係主要既, 佢地關係破裂好大可能係因為金錢上既問題.
Li 一個亦到係百分之90家庭離婚既原因
我媽媽係家中既經濟支柱, 佢養晒我, 我細佬同埋工人
雖然佢成日話要慳錢, 但係, 佢自己都唔係好識用$, 姐係唔識分配金錢既用法
而我爸爸就係冇$剩既人, 有$就用黎請客, 冇$就問我媽媽借
而且, 我爸爸成日都想一次過就發達, 好想藉住股票黎賺錢
佢前後幾次用左我媽媽百幾二百萬去買股票, 仲要係我媽媽唔知情之下買入,
結果, 又係冇錢剩, 全部蝕晒, 唉~
所以, 佢地係金錢上係時有爭執, 亦係導火線
其實除左佢地, 我都有錯,
我一早已經發現了原因同埋佢地關係既問題,
但係我根本唔想去接受同埋面對
一直都係度逃避問題
到左而家, 係事情發生左之後, 我先至識去補救
如果當時我就已經去預防, 可能成件事就唔同晒
我都有一定既責任
事實上, 我對佢地離婚li件事已經有晒心理準備,
但係我好擔心細佬, 因為佢仲細(8歲), 而且唔知我爸爸媽媽既關係咁差
佢好錫我父母, 當然我都係la
我驚佢會係一個唔完整既家庭成長
就算爸媽要離婚都好, 我都想佢地可以係我細佬大個D, 唔洗18歲咁耐, 就我細佬中學la...等多三年la
我而家學識到做人係要絕對坦誠,
收收埋埋問題係冇用既,
問題始終係度, 就算幾唔想去面對始於都要去面對
頭先見到一個post話自己有末期cancer, 係, 係好難去接受,
係好唔想去俾自己既家人知道,
但係, 與其收收埋埋, 不如同家人坦白, 一齊去面對
記住, 家人係愛你既, 佢地一定會接受, 因為佢地愛你
而家我完全唔知點做先至可以改善返佢地既關係,
寫信? 但係我又唔知咩時機俾佢地好
加上4月我就要會考,
我想係我放榜之前盡量做我可做既野
你地可以俾D意見我嘛,
我身為女兒應該要做D咩去幫助我父母?
用咩方式?
THANKS
