我同我男友打算出年結婚..咁我琴日同矩講結左要住邊..矩話要同矩媽住..我話唔好啦, 相見好同住難呀..矩就話冇錢買樓,+上矩阿爸阿媽都半退休中..冇咩錢, 都係靠矩同矩妹比既家用生活...出左去點生活到...跟住大家就停左話題..

不過我唔想一起住囉..我同矩收入都唔高, 各人都係$9500一個月人工..我地真係冇辨法2人出去住嗎? 仲有咩辨法呀..我唔想同矩媽一齊住呀..矩媽係果d典型奶奶黎.....點算好

兩個人得9千5係可以  但你男友可能要比家用養父母
所以變左唔夠搬出去唔出奇
如果你唔想同佢地住
你可以遲下儲夠錢先結婚都未遲

一齊住之後,就好難行出去,一係遲結,一係租房就算la

結咗婚就去輪公屋，差唔多查到咪辭咗份工或者搵份兼職，遲d有BB個額咪高D。
就算同佢父母同住都要有計劃，唔好諗咗一世同住，相見好同住難。

你無錢搬咪唔好結婚住咯﹐講真﹐要同陌生人住既生活有幾開心你自己諗都諗到﹐衰過做女你嫁黎做咩。

你自己心底都唔鐘意，到時夾硬住埋一齊有爭拗時，會影響你地既感情。兩個人加埋唔夠2萬，都唔係唔可以租樓既，試下大埔、粉嶺d村屋囉，有d2千幾租到架啦!
樓主又要仔細諗下，租樓令開支大左，等時未必有錢買樓。萬一失業少左份糧， 就少左個保障。
如果呢個moment無錢，都係遲d先結婚啦，儲幾年錢先啦!

住唔住都難
住
你又忍唔到
唔住
你又無錢

自己想辦法啦
一就忍辱負重
一就勤力賺錢
先天不足後天就要非常努力

唉..我都知好難架LA..大家都講得好岩..我真係要諗清楚...

一係你地再儲下錢先結婚囉
搬出黎唔係唔好,萬一你地有左bb咪變左闊三大囉,到時咪仲幣

得9500，你地各自同家人住，淨係自己使費都孟孟緊，何況搬出來，要交屋租、水電煤、家私電器日常用品，何必呢

你地兩個都係搵9.5k, 加埋就係19k.
搬出去住的話, 就一定要搵返d你地是旦一個的公司附近的租樓, 仲要係平嗰隻添.
講真呀呢個市道, 仲要諗埋有冇失業的危機等.
你地兩個都係返工唔係成日向屋企的話, 水電煤就應該唔會太多, 一個月都係幾百蚊o架啫.
不過, 都幾吃力囉.

如果你地仲後生的話, 不如考慮吓遲d先結啦.
又或者接受同99一齊住囉.