本來今日啊媽promise會嚟我屋企到攞條新屋鑰匙跟住幫我在星期四等班清潔工人嚟清潔我間新屋. 點知我唔記得咗放低$1500比啊媽等佢星期四可以比班清潔工人. (因我同老公要返工)
我同啊媽講可唔可以幫我比住先, 因我唔記得咗放工去提款機到攞錢比佢, 當我見倒你時我會比返你! 點不知佢係咁罵, 又話自己依家好貧, 無錢等等.... 又話" 你無錢應該問你老公攞啦" 我話: "我哋邊會帶咁多cash出街呀"
我啊媽重係咁罵, 越罵越大聲. 我費事同佢喺電話到嘈, 我只係同佢講話以後唔洗你幫啦, %

可能伯母真係無咁多呢 !

過 2日無事啦

佢可能真係無錢呢
又驚佢幫你比左你又無比返   佢心態咁諗呀嘛

下次自己既事自己做﹐不求人就咩事都無。

個個啊媽都係為左錢字,家嘈屋閉架啦
我啊媽都係一個見錢開眼,月頭出糧第一個問我拿家用

1.你自己唔記得比低錢先既

2.你就真係當你媽係工人咁駛了 一定要幫你的?

3.: "我哋邊會帶咁多cash出街呀" <---你媽就一定有咁多cash的?

你媽惡 你媽嘈 攪到你唔開心唔高興 覺得你媽少少錢都唔幫你 仲要嘈 係咪?

但你睇返成件事 你媽問題大點 還是你自己問題大一點呢?

咁伯母係咪真係好窮呀？你每月俾幾錢佢呀？

你與阿媽一起生活咁多年
兩人的關係你心中有數
呢次唔係單一事件
係你地多年來的經歷累積

你唔應該剩係針對呢單野
好好檢討母女兩人的關係吧

我知道係好小嘅事, 我一時唔記得比錢佢，but我無force 佢去做．
佢自己都喺名校小學教到退休加上佢哋（啊爸啊媽）上次去旅行我都有請佢哋啦. 大利是又封比佢哋.
我唔係計較,
你哋 講得對! 我同啊媽d 關係自小已經唔多好. 啊爸相返就好好多. 我覺我啊媽對我住喺外國嘅家姐好得多 (我同家姐自小關係唔好, 成日打架.)
到依家唯只我都好羨慕我身邊d朋友有兄弟姐妹都可以相處得咁融合.

家家有本難念的經, 凡事看開些 ,自會少煩惱..!!

會唔會本身你個人都係比較大頭蝦?

我老公係好大意既人, 成日唔記得呢樣唔記得0個樣, 所以當我一聽到佢話"唔記得"我都係會特別忟.  但佢一樣會覺得好小事0者, 使唔使咁惡

但積少成多既問題就唔係小事嘛~