今日小弟收到傳票，完全嚇左一跳!

08年8月(傳票上面寫)，我拎住一大袋電腦零件，
搭輕鐵落車既時候比人查飛，
但車票連一個小袋漏左係輕鐵上面。

我同個職員解釋，
佢話信我，但都要先登記資料，
然後連住張告票尾寄去港鐵公司上訴就得。
我跟住照做，一路都無交罰款，
而且一直都無收過任何形式既回覆!!!!!

如是者，我以為事件已經告一段落。

但係今日我收到傳票，話我未有係接獲書面通知14日之後交錢，要我09年2月25號上庭。
但係我都無收過書面通知，而其他同類案件既人收到既掛號信我都無。
可能因為我用公共郵箱，比其他人拎左。

各位，我真係幾火下，如果上面用字唔清晰或有冒犯先道歉，
但我有以下問題想請教大家。

1.如果個日唔得嫻，可以點處理?
2.我可以如何答辯，可以使用書面答辯嗎?
3.如果認罪，罰款大概多少?
4.如果我選擇求情，可以如何處理?

希望你地幫下我，或者幫我請教其他知道既網友，
或者勞煩大家幫推。
小弟係學生一名，此事對我構成好大困擾，
一直都無唸過會發生係自己身上，
我出生到現在都奉公守法，一直都相信香港既法律制度...

好唔開心!!

我出生到現在都奉公守法 <--------你好熟悉香港法律? 總共有幾多章幾多節你都未必知. 好多時巿民犯左法都未必知.

9 年免費教育, 有幾多上課時間有教過法律

你可以向你住果區既區議員要求協助或者向民政事務歲預約免費法律咨詢服務,我相信佢地應該幫到你解決問題

找返你寄既上訴既copy，帶埋上庭，到時同個老爺講，如果好彩佢又肯聽，分分鐘有驚喜．