小一學生小息時玩較剪, 傷到同學面部 (有流血), 傷者家長帶了他去私家醫院, 住了一日.  該家長聲言要"行凶者"家長賠償一切醫藥費同damages.  學校亦已了解事件寫緊REPORT, 又安排社工同CLINICAL PSY去同行凶者INTERVIEW+ASSESSMENT. (未知校方會點做!) 但家長即日去左報警, 話行凶者蓄意傷害佢小朋友.

據了解, 行凶者其實冇心傷人, 小朋友玩到高興, 唔知較剪危險, 不幸傷到同學.  事後, 行凶者家長都好擔心, 一來唔知呢位家長想要幾多賠償 (佢冇乜錢), 二來最怕警方拉左佢小朋友, 要落口供, 上庭... 對小朋友心理有好大影響, 更擔心佢日後前途.

其實, O係咁既情況下, POLICE會唔會真係搵個小朋友問話, 開FILE告佢, 或者比個SUPERINTENDENT CAUTION佢?

同埋, 學校既INSURANCE會唔會COVER呢D野? 定係家長賠硬?

小一即係幾多歲？

如果年齡太小, 打官司都有可能不用賠, 但你預左人地媽咪可能和你打官司! 不過你地大家可不可以傾下賠小D算數! 不過形事就不會(如果小於十歲). 有時不是法律可解決切! 各位高人, 有錯請指點!

唔該哂各位!

小一學生, 而家7歲.

其實行凶者家長都明白係自己小朋友有錯, 不過唔係故意要傷人, 所以都肯賠償醫藥費.  只係受傷小朋友家長話佢搵左個出名醫生同個小朋友醫, 又要住私家醫院, 所以$一定唔少.  而且, 亦無理由佢獅子開大口, 話幾多$就要賠掛? (唔通佢個小朋友要住頭等私家房條數都係要硬食咩?)

個受傷小朋友家長好野蠻... 係都要告上差館將小事化大, 好似要將個7歲小朋友"置諸死地"咁! 其實, 差館會唔會要個行凶小朋友去落口供架?

我都想知......

最好先詳細了解當時情況先，有冇其他同學仔在場？如果有同學仔肯做證其實大家在玩耍，那就易辦很多了。即是就算要打官司都唔係一定告得入蓄意傷人，咁對方家長在賠償上應該冇企咁硬。

另外校方一定想大事化小，最好同校方商量，由校方做中間人。

唔該哂你地呀!

當時係小息, 冇老師在場.  但係玩較剪既唔止行凶者一個, 只係唔好彩, 得行凶者手拎既教剪有血跡, 就入哂佢數.  雖然都問過哂在場既小朋友, 不過佢地年紀太細, 只講到大家當時玩緊, 邊個o係咩位置做過d咩就講得唔太清楚.

而家受傷小朋友仲未返學, 學校又寫緊report, 行凶者家長都係通過學校知道個麻煩家長既立場 -- 好堅持企硬.  我都同行凶者家長講過校方都應該唔想將呢d野小事化大.  

其實點樣賠都仲未傾過.  你地知啦, 有d人, 係要小事化大, 樣樣都要用"法律"黎解決 (而自己又唔識法律喎!).  佢一聲話要告人, 叫人地等收律師信/等警方處理, 已經可以比佢嚇親飽啦.

個所謂受傷者個阿媽甘巴閉, 應該有同個仔買保險喎! 佢想屈多筆就真.  一大班小朋友一齊玩, 真係唔知邊個o岩邊個錯, 由得佢去報警啦.