同男友拍了４年拖，上年大家曾計劃０９年結婚
可惜果時又未買到樓，佢又唔想租樓。到今年年頭我地終於買左樓
我就順口問佢幾時結婚，佢話佢想住埋一齊睇下夾唔夾先．．我問住一年半載定點
佢話佢都唔知．．
咁即係點，我應唔應該應承
我地關係都唔錯，佢３０，我２７

同居都好呀!

so sweet

你就咁問佢幾時結婚?唔係你男朋友好有誠意咁向你咩咩架咩?定係我睇得多電視??

同居吓先囉~

個人感覺：同居左結婚機會會少D……

會唔會係樓主既男朋友唔想結婚？

睇你地感情咁穩定，
佢都唔洗用同居用招黎呃感情，
睇黎佢唔多想結婚，
拖得一時得一時

同居也好呀~ 可以了解對方多一點 ^^

我覺得同居了..才知道對方是否適合嘛~

樓主放心~既然你和他闢係不錯..那結婚是遲早的事]]

同居先都幾好呀

如果你們拍左1-2年~~同居冇咩問題~~

但拍拖4年以上~+年紀開始大~~真的不應只是同居~~~

而且要睇住埋一齊夾唔夾先????

如果拍左一年咁講冇問題~~但你們4年啦喎!!!!!

個人認為同居, 住咪而唔結婚, 係一個好唔負責任既行為...男人信唔過啦, 住左一排, 無左新鮮感, or 有第三者出現, 一個唔ok, 佢可以唔要你嫁.
呢d野我聽得太多喇.........

女人有時係要保護下自己, 自私d啦, 叫佢結婚, 唔好到時自己又老, 男人又走佬......... 咸都無謂.