一段應否放低的感情???
事源係咁
新年前一個月到, 打算俾個驚喜女友(一齊差唔多4年),
夜晚收工後去接佢收工.
但俾我發現佢去左男仔屋企, 事前係一d徵兆都冇
我當其時痴左線咁, 係咁打俾佢, 佢就講d好hurt我既說話.
跟住仲熄埋機.
成晚我係條街漫無目的咁行, 當時極度傷心既我掉左部手機落垃圾桶.
行屍般返左2日工, 第3日返到home,見到佢坐左係我間房,
一見到我衝上前攬我,之後講左一大堆知錯 對唔住 好後悔既說話.
當時既唔識得俾反應,
只係呆呆咁望住佢.
之後我問返佢咩事, 當時佢又講左d原因(之後發現全部係大話),
講完又喊, 見佢咁喊法, 我心痛又喊埋一份.
於是係返埋一齊.
當時既我其實仲放唔低佢係男仔屋企訓左2晚既事實,
我不停說服自己佢地冇野係我多心,
至到年廿八, 卒之我忍唔住, 我同佢講我好辛苦, 想冷靜下.
當晚約左d frd去打機唱k.
點知我返到home既時候又俾我發現佢上左個男仔屋企.
又一次晴天霹靂,
我即刻叫埋frd 上深圳發洩,
連續2日都係訓幾個鐘跟住就去玩.
又係3日後, 佢send個sms俾我話想死.
我驚佢有事打俾佢,佢話吃左十粒安眠藥.
佢仲話同個男仔冇發生關係. 我當時唔理佢 .
第日佢又上左個男仔屋企,
當其佢屋企人仲未知佢其實去左第2個男仔度,
我同佢屋企人關係都幾好, 可以話係談婚論嫁咁濟.
當時我睇開左少少,就同佢講左一大堆理性既說話,
佢聽完即刻返屋企, 我亦都冇搵佢.
第2日, 佢細妹打黎, 叫我原諒佢, 佢好想同我係返埋一齊.
講左好耐, 我又心軟.唉. 佢上左黎我屋企, 仲約埋一齊返我鄉下.
之前一早約左人 上廣州. 一返到香港我又汁埋d野上廣州.
玩完2日後返到home. 夜晚傾電話, 佢開口說分手,
原因係佢唔適合我, 其他女仔更加好.
不過我諗真正原因係我鄉下環境非常差, 佢驚遲d嫁俾我會辛苦
我話ok
第日我拎埋d野諗住俾返佢,
原本打算俾完野, 見一面就走人,
走既時候,佢又拉住我, 唔俾我走.
又攬實我, 又係度喊.
跟住我講左d我平時唔會講既野,
其實係心底說話.
大約係我唔想你離開我,以前我對你唔夠好, 好想同你一生一世既野
講完我又喊.唉.
佢聽完又喊, 又話尋晚一晚冇訓, 好唔捨得我, 又話結婚生仔個d野
又話以為都唔會同個男仔聯絡, 唔再做依d野
之後又係返埋一齊
經過今次我對佢更加好, 乜都就晒佢.
關係好似好左. 期間個男仔打俾佢, 我叫佢以後唔好打泥, 佢唔會再聽你電話.
勁嬲收左線.
直至尋日,
佢放假, 我返工,
朝早佢仲係我屋企, 夜晚又上左個男仔度,
真係挑 又晴天霹靂,
嬲到直頭想撞牆,
傾左好耐, 亦都有條仆guy傾過,
因為開始既時候我問過佢細妹佢係邊, 佢細妹都知咩事,
估唔到佢細妹會講俾佢屋企人聽
佢好驚 佢同佢屋企人講去緊我度,
之後真係過左泥, 不過我冇俾佢入泥,
我送左佢返佢home , 去到大堂, 佢又發癲死都唔返去.
係後樓梯傾左好耐, 其間又話死 又話對唔住 .
傾到1點鐘既時候, 我見佢心情平伏返, 我就走人返屋企
返到去, 佢又打泥,
唔好離開我, 對唔住, 我冇左你唔得. 成晚個度講依d
雖然我有少少心軟, 不過一諗到佢一次又一次講大話, 一次又一次背叛我
我即刻收線 熄機.
臨訓前, 我驚佢真係做傻事, 問左佢冇事我就收線.
到左今朝佢send左個sms泥
大致上係
比以前對我更加好,
想我原諒佢之類曉說話,
唔想我情人節搵第2個人陪
理性話俾我知, 放手會令我將來好過一些,
感性話俾我知, 我真係唔捨得佢.
長左少少, 不過絕對係真人真事.
