暫別
今天開始又要一個人生活喇.
同佢相處左6個月,一齊住左5個月.起初當然係無問題.
但係慢慢問題出現.所有野我都可以遷就,但係到最後都離不開一個字"錢"
佢愈來愈覺得同我無將來.
我搵唔多得18k,我搬出嚟住又車.一個月係just fit.
當然依家都有開始儲小小(真係小小啱啱開始得幾k)
佢比我大6年.(睇我login name就知我幾大)
佢有一份幾好既積蓄 xxxk咁好明顯我就十分不濟啦.
不過佢一開始已經知道我既經濟狀況.
事件起因係我過年前換左部車.佢好唔滿意,問我點解換車都唔儲錢.
咁部舊車都到期驗車續牌維修,個到都駛6-7k.
我換部車都係10k搞晒連圭轉名牌費燕梳. 咁我咪一心計劃好晒10k搞掂lor.
換左就3日一小炒7日一大炒.唉.......
講真部車對我嚟講係好重要因為係我部腳車我每日都中港兩地走,
係day day都係.我除左daytime跑廠夜晚就要覆e-mail做到3-4點日日如事.
咁我唔揸車來回會就用好多時間,同埋我每日都揹著個好多野好重既backpack - notebook.
要我再行多d路直頭接近死亡. 唉.....
我每次講呢d原因比佢聽佢就話藉口. 自問都已經好乖仔啦. 我唔煙,唔酒,唔滾,無嗜好(only 車)
每日係大陸返嚟都煮埋飯比佢,同帶飯. 人邊有十全十美既啫.
我接受到佢一個星期返3晚學1-3-5, 2-4就約朋友dinner.點解佢就要計返我.
真係唔明我十分愛佢.知佢返工壓力大,工作辛苦我主動做返晒d家頭細務.
點解佢就要晒我既全部.有朋友同我講就係你好多方面都做得太好,一有小小唔合佢心水就出問題.
我一個月先出去同我d朋友(10幾年老友)食一次飯. 我琴晚去到11點幾先返佢就唔高興.(平時佢放學10:00p.m.我會接佢)
琴晚一次過將所有不滿講晒出嚟.佢同我講一係要車一係要佢.
我答妳同車我都唔會放棄.最後我同佢講分開,因為我真係無本事保證到佢既將來.
我話當我搵到300k我就會追返佢.At least証明到比佢睇我真係會付出同做得到.
希望今年可以儲到150-200k. 我會好好努力.我知我一定得.
