我係2008年fresh grad，之前都霉左好耐搵唔到野做，間唔中都上黎同大家傾下偈
之前我o係大型補習社度做過TA (做左個半月)，呢兩日剛剛轉左另一份工，係o係一間細公司度做receptionist

今日我終於收到一間大學俾我既文職offer喇，真係好開心呀！！！
其實呢份工我係十月廿幾號apply既，一直都無回音
點知上個星期二又叫我上星期四去interview同埋做written test喎~~~
上星期四in完，尋日打黎叫我今日去second in同埋考中文打字~~~
我好開心佢一second in完我就話俾個offer我，一年contract，二月二號就返新工喇！！！

雖然未sign contract (因為personnel果邊未做得切個contract出黎)，人工方面有大約10K，加上一年有成十八日大假，好正呀~~~~ 一個星期返五日工，朝九晚五點半~~~
加上地點同我屋企都好近呀，坐車都係坐十五分鐘左右就到喇~~~

我之前o係呢度都講過我想入大學做admin架喇，我終於都入到了，真係好開心~~~
大大話話我都apply左五六十份大學admin工，有回音既都唔夠十份，所以我會好好珍惜今次呢個機會架~~~

各位仲未搵到工既朋友仔要繼續努力呀，我都失敗左半年先搵到自己想做既工，所以你地千祈唔好放棄呀~~~

(講真果句，除左我之外，我另外有個朋友都搵到份新工，返工地點近左，人工又高左，所以各位要積極D呀，加油~~~~)

你就好啦....恭喜晒你呀~

在網上那裡可以找到大學admin的工

聽落真係好值得高興，福利好，又近，又係自己心儀工作，恨死隔離。

我又係好想入去大學入面做..之前applied hku space AO..written test 左成3-wk 都無回音, 我諗機會都好微了.

我既工作經驗比你多好多, 主打係大學既 AO / EO..但好多時要等好耐先有得做written test, 做完又要等interview.

希望好似你甘守得雲開啦 ! 我真係唔想再做商界了 ~

interview + written test, 你可唔可以詳細d分享下.

恭喜晒你呀...咁你可以過一個開心嘅新年啦...加油啊...大家都要俾心機啊....包括我...

真係恭喜晒  希望好快可以到自己

恭喜晒!!!! 其實我都係找大學admin的工

你係邊間呀??

我都去了大學offical website找!!!
你是不是 post ur applcation form ga?? 要等how long to get response from them ga??? pls help

如果你既target係大學既AO / EO，咁你都真係有差唔多成十年既經驗喇喎~~~
我first in果陣先做一份英文written test，寫信呀，rewrite paragraph呀咁啦~~
做完written test，就到individual interview，係一對一既~~
都係問D好普通既問題啦，介紹自己呀果D啦。
之後佢又講下個post係做D乜咁啦~

不過有幾個特別既位既，早過我入去見果個男人見左最多十分鐘，而我就見左廿分鐘
第二就係我一入到黎就俾左咭片我 (我唔知其他interviewees有無啦)
第三就係first in佢都講晒人工大約有幾多呀，返工時間係點呀，同埋大假有幾多日咁既
呢幾樣野都係我expect以外既~~~

打黎second in係個interviewer親自打黎，講到明話會叫我打一封中文信，test下我係咪真係識打中文
咁我去到就先打中文信先啦，佢話俾十五分鐘我打，但我五分鐘就打完喇 (因為其實真係好少字)
print埋出黎之後就開始second in....
都係再further elaborate返個department structure and my duties la...
同上次一樣都好似傾偈咁傾~~
反而今次想test返我英文同普通話既說話能力，用左少少英文同普通話問我野 (上次全部都係廣東話)

同interviewer傾左半個鐘左右佢就俾offer我喇，仲傾埋幾時返工
俾完offer我之後先test我既英文同普通話能力同埋傾下偈咁....
total用左一個鐘多D~~
根本就係一次好輕鬆既interview~~~

恭喜晒樓主,有料嘅人唔使驚

有D大學要你寄信既，有D就係email就OK架喇，視乎返邊間大學啦~~

另外，要等幾耐呢個就真係度度唔同，不過最快都要係close deadline後一個星期先有回音~~
以我收到既呢個offer為例，我都講話係舊年十月廿幾號send email apply，都要到一月中先有interview啦~~~ 所以好多野都急唔黎既~~

不過我想問一問，你既學歷係去到邊？仲讀緊書？
因為搵呢D工，好似同學歷好有關係。

恭喜晒呀~~
搵到份好工過肥年~~
好開心呀~~!!