我過去半年的見工故事 - 結局在望!?
我呢個做銀行/基金back office的......接近半年來......已經被公司/agent老點到遍體鱗傷.......自尊已飽經跌墮.......
事情由08年7月底, 我辭職開始…..當時我諗住自己會好似過去幾次咁, 不消一個月就一定有offer…….點知…….
1)首先有"城市集團"private equity.......呢份輸我唔夠經驗, 咁都正路既......
2)頭文字F的銀行.......老點開始了.....見見下.....職位cancel了;
3) 某新加坡資產管理公司.....繼續老點......見埋最后一回合了.....諗住有機.....居然等了2-3星期後......經agent一再追
問.....他們先放棄拖字訣.....正式判我死刑......之前仲要以"HR同事休假"為理由係度拖拖拉拉....非常可惡.....更騎呢的是, 事隔3個月了.....我還看見他們的招聘廣告.....這是繼續老點麼?
4) 投行某temp job.....唉......第一次見就見左兩個鐘.....講到喉嚨沙.....最后一場空, 又係話我D經驗始終唔夠relevant;
5) 頭文字F的證劵subsidiary.......又係一口氣見曬所有人所有回合.....內容已經講到好深入.....例如人工福利考試津貼等等......結果嘛......一個月了....還是沒有消息!!!!! 再度被老點!!!!!
6)某日資證劵行.......呢間.....仲見緊first round既人.....不過我見那個manager都見左成個鐘.....但預計最后都係會被狠狠老點.........
7) 我的舊主,某美資金融機構.......嘩.....頂.........我預計係三個人panel咁見我一個人嘛.....豈料呢三個人居然分別係三個
唔同時候入房見我......一個問完就走開.....另一個接住入黎咁.......三個仲要問埋雷同的問題......omg......一套對白講
左三次......而第一個入黎見那個女生面色甚難看.....講野好唔客氣......
該次見了90分鐘......我事後聲音又沙了.....飲左好多水先好返D............
最后話兩個禮拜內會有結果.....但我0期望...........
8) 諗住轉行做其它野......有兩間搵我去見recruiter的職位....都無左了;
9) 除了上述公司.....還有各大agent老點我; 成日叫我上去見他們.....見完話又工介紹我.......有時真係介紹到.....不過都好多end up吹水.......
最嚴重者係某M字頭agent.......勁到呢....日日係jobsDB貼行廣告.....我見都見過兩次了.....但就居然未forward過我的CV去任何一家他們quote過的公司!!!! 不知所謂!!!! 你D工全部係空殼黎架?!?!!
10) 而家真係馬死落地行,諗住搵補習......點知真係少左好多listing.....到搵到了.....恐怕又係被老點......一係hourly rate過低......仲要比agnet抽兩個禮拜收入做介紹費! 頂!!!去年我幫襯它們,食水都唔係咁深架?!?!?!
11) 今日"見"完
某中資投行.......OMG!!!!!約左1330, 1350先開始見, 1405離開.....問唔夠幾句就問我"還有什麼問題?"......頂你.......就算有都無意思再問了......而且看見前我一個同埋後我一
個的candid都應該係果D來自內地的香港大學生罷.....我似乎.....唔入流, 唔啱channel wor!?!?! 離開時不禁跟自己講左句: what the xxxx..........[其實間野都幾騎呢.....叫我去interview個call都係講國語的....見果個就更加啦.....國語爛D都招架不來]
12) 另外今個禮拜五同下個禮拜三都有interview; 前者係位於荃灣工業區的某山寨廠[生產打印墨盒的, 居然請investment assistant!?!?!]......老點意味甚濃…..
13) “BBG”: 死左
14) “E*T”: 無下文
15) 某agent: 有心無力
16) 某資產管理: 唉.....同之前無提及的Zurich一役一樣, 都係唔做喇.......><"
17) 下個禮拜一再見另一個agent, 麻木了, 真係麻木了...........[Jan15記: 果然係流野....]
最近一星期:
18) 好似幾好玩的酒店秘書, 舊同學介紹的; 見完本來他們想約埋我見最後回合, 怎料
周一(一月十九日)收到舊同學噩耗, 酒店業績太差, 即時凍結所有招聘活動, 而她也被勒令下月起放無薪假期!!!!
19) 第二份就係某行請的accountant.....都係唔樂觀…..
20) 其實之前仲漏記了一單: 某A字頭金融機構的語言暴力面試, 去年8月的事了....仲記得見完之後, 完全唔明點解要搵我去見?!?!?!?
其實仲有好多見過的agent....我無係度寫低.....我呢幾個月來收到的卡片, 已經有半寸厚!
過年後的戰役:
21) 2/2 上午的.....唉.....個勢好似幾好既....interviewers說其實他們請緊兩個位的.....而我Dskills/經驗等等似乎兩個位都fit到, 甚至超乎那兩個職位的要求咁話.....
不過他們都係想見多D人先wor.....其實都好怕呢樣.....無止境咁等.....最後恐怕又係被淘汰罷!?
22) 2/2下午的agent......算罷....居然同我講.....果間公司居然打算連temp都唔請了!
23) 3/2又係廢agent;
24) 9/2依然係agent......唔知又玩乜花臣呢?
