我用左佢地服務都好多年，真係超級熟客，咁都想呃，豈有此理！
尋日收到封pccw手機通話帳單，要收取提早終止合約費$2484.00
當堂嚇一跳，跟住火都唻，立即打熱線查詢，但而家服務真係差左
錄音聽來聽去都搵唔岩我要揀既唻問，成日叫我撳星號返目錄，我XXXXX佢！
卒之今日收工我帶埋封信落佢地SHOP叫佢地解釋清楚，sales幫我接通熱線...
核對過身份之後就入正題，內容大概如下：
我話：我合約完左，轉左去數X通，做乜要收我提早終止合約費二千幾銀？
職員：唔好意思呢位先生，係公司驚你完左合約後繼續使用服務要俾正價錢，所以我地自動幫你續約唧...
我話：自動？合約冇寫，我冇授權，邊個授權你幫我自動續約？
職員：係咁既，係SALES果邊一早做左，不過既然你轉左服務，我會晌電腦取消呢個自動過數，冇事架喇！
我話：冇事？你就梗係冇事啦，煩果個係我呀，你俾個職員編號，貴姓過我，有事我再你架！
職員：OK...（講編號同貴姓）...我已經落左電腦，唔會過數，你放心啦，仲有咩可以幫到你？
我話：冇喇！

我唔該都懶得講就收線，呢個咩世界，博大霧成咁都得既
自動幫我續約，跟住收我二千幾罰款，我冇睇封信咪俾佢過數？
我仲有三部手機、NOW、固網陸續到期，我一定CUT晒佢唔再用PCCW既服務
李小超真唔係做生意，服務差左仲想博懵，大家記住要小心呀！

我被PCCW出過3次假單呃錢  , 被我發現即刻炳到佢地變猪頭!!!

千萬小心不可自動轉賬.

都吳知佢地用咩電腦出單, 佢地D單錯漏百出,但只有收多,永無收少

其實自動續約依招已經係各大台以不同手法出晒啦