如題, 用邊樣既收費會平d ?

另外我而家用緊個電熱水爐, 沖涼沖到一大半就開始凍, 係唔係壞?
仲有如果開左爐, 過左約15分唔用熱水, 佢有條喉就會有熱水流出黎, 咁係唔係正常?
(個爐用左5-6年)

电熱水爐未必是恆温的，煤氣爐可以是。
煤氣收費是李四叔，每月約$200/冬季。

電熱水爐平0的架

不過用電熱水爐要等
用煤氣爐, 即開即沖, 長開長熱

煤氣費真係好鬼貴.....獨市又冇得選擇...

雖然用電平d, 但煤氣好用好多

電熱水爐用完一缸水就冇,
既可train你用少0的水, 既環保, 又save money

如果有三相電就用即熱式電熱水爐，計落都仲平過用煤氣，
又係即開即熱，長開長有。
煤氣最老套係唔用 (少煮食) 都要每月收幾十蚊保養費。

總之, 屋企有乜就用乜,
唔使特登封左煤氣去用電熱,
又或特別去叫煤氣公司去舖煤氣喉去用煤氣熱水爐囉


本來, 有時大廈要維修或突然停電, 咁煤氣熱水爐都可以用
但現在 D 煤氣熱水爐都係要用電, 咁變左冇左呢個好處了

煤氣比電貴起碼30％！
而且用電比煤氣安全！例如用煤氣一定要開窗！因為會產生一氧化炭毒氣！
你那個儲水式電熱水爐是多少加侖的熱水爐？如果是4加侖的儲水式電熱水爐在冬天使用一定不夠用（視乎洗澡習慣）！冬天男最小用6加侖儲水式電熱水爐、女如要洗頭最少要用8加侖的儲水式電熱水爐！
點解佢條喉就會有熱水流出黎？這是因為熱水爐內的發熱線發熱產生熱水時會有氣泡！因而產生壓力令水喉有熱水流出！這是正常及安全（其實全港的儲水式電熱水爐都是如此情況，有漏水才正常）！如果無水流出會令壓力過大反而更危險！不過香港的熱水爐大部分都附合安全標準！放心！

你的爐如用了成六年！我希望你花點錢做做安全檢查！對一家人最為有利！你可以找你熱水爐牌子公司來幫你做安全檢查！為家人著想！這筆費用絕不能節省！

我為搬屋而煩惱緊..不過應該都係用煤氣架啦..雖然貴..但係沖涼舒服好多
我本身頭髮好長..洗頭個陣耐少少..冇啦啦冇熱水我最憎
我宜家屋企用煤氣..我男友屋企用電
年初二個晚係男友家..洗頭個陣冇啦啦變凍水..可想言之有幾甘