間屋好舊，想整番靚仔啲，以下方法得唔得?

想請大家教吓我:

1. 廚櫃好殘舊但無錢換全新嘅，買啲防火膠板返嚟，按尺寸界開，再黏上面得唔得呢?

2. 想將個洗衣機放上天台，但又怕日曬雨淋，如果做個磚櫃嚟放入去，會唔會好貴呢?

3. 原屋有個3呎長 x 3呎高嘅玻璃磚牆用來分隔廚房同飯廳，想拆咗佢，連埋補番地下個幾塊地磚，大概要幾錢?如果配唔番一樣嘅地磚，點算好?

4. 廚房一幅十零呎長嘅牆，舖咗好似好似公廁咁嘅白色磁磚，全部拆晒再油番油，大概要幾錢?

5. 鋁窗框都好舊，可以買啲白色嘅好似畫框邊嘅木條黏上去，做到好似french window咁，可唔可行呢?

對住間廿幾歲嘅屋真係好悶，想整得靚仔啲，但係"畢直"又得雞碎咁少，好慘呀！