唔知邊位有用過呢, 係咪要高水壓先有效果, 如係, 點先知夠唔夠水壓?

基本上冇用, 亦唔覺得有幾 enjoy ......

多謝二位意見, 小弟都好鍾意沖涼, 咁大家有咩好花灑介紹呢, 最好有相啦

你想要雨淋效果可以試下hansgrohe個Raindance LA, 都ok

ps. 我想要舒服, 唔一定要雨淋, 聽上面二位講話ma ma

雨淋唔係要求有按摩的力度, 係要求大範圍, 包圍全身的感覺. 咁大個花灑出盡力淋你, 真係"淋到成隻狗咁", 氣都透唔到, 一d 都唔好受. raindance 做出黎個效果就係自然落雨, 將水同空氣混合的舒服感覺. 如果你唔係追求呢一方面, rain shower 就未必適合

rain shower我見好似好過引咁, 試過一二次酒店果d, 可能唔夠水壓, 都唔知好唔好, 所以問下各位用家意見law

追求落雨的感覺, 唔駛好大水壓, 我一般都係用最大水力的一半就夠. 但係因為用水量多, 如果你係用儲水式熱水爐就未唔適合喇

至於舒唔舒服, 個人感覺俾唔到意見. 有d 人唔鍾意濕頭, 唔鍾意有水掂到塊面, 咁就一定唔適合