唉!到處楊梅一樣花,從不同渠道聽到美食之旅D食有幾好幾正,無錯,我參加東莞太子酒店兩天團,自助早,晚餐,(呢個唔係特價團)間五星級酒店當然無可挑剔. 但係D軟件就唔掂,首先大陸個導遊就職業病得好緊要,軟皮蛇咁,愛理不理,可能佢知道小費已經係咁多,又唔會有乜格外打賞. 都唔好話無關門賣技倆,行程表都有講要參觀xx園,一車車到有幾間平房周圍乜都無,全團人入晒房,關門,以為係乜呢,原來又係賣茶葉,有個面容都幾嚴肅男人入推銷茶葉,講到簡直係仙丹,飲左就可除百病,心臟病,糖尿病........,最後見D人無乜反應,就開始惡,話你D人為慳小小錢,唔理屋企人健康,SALE成大半個鐘,好彩都有幾個關人買,(一包半斤左右茶葉要成二佰一十蚊港幣),如果無人買唔知走唔走得. 間幸X園餅家重衰,要晒團友入去坐定,張張用膠合裝左D整到碎晒餅,SALE就猛叫你D人食啦食啦,D餅碎到好似花生大小,個個人伸隻手落去,點食得落,SALE見無人食喇就關蓋,留待下一團享用. 其他有小小自由行街時間就催命鬼咁,梗係啦,個導遊都無著數. 希望各位下次好運啦!!!!!!!!!!