請問各位大大有冇聽過或加入左Rosland Park 或R&P(從事旅遊會藉)
因為我早1個月收到個電話訪問咁我有時間咪做囉,點知上兩星期佢打返嚟話個電話調查完左問我有冇時間上去佢公司有張禮券送返比我同再填多份間卷.
我初時話唔嚟攞張禮卷,但佢係咁講間公司係調查公司又話張禮券係答謝我做訪問,一定唔係sell嘢(重要重覆講唔係sell嘢)
上去填問卷只須90分鐘,因為真係好長氣又煩咁只好話ok啦.點知重多嘢講係咁講解真係超煩.
但係我最終放左佢飛機
呀佢死唔斷氣昨日又打嚟問為何放佢飛機,我伯再放佢飛機會再打嚟咁我咪話今日11月7日會過去.

好到我今日上到去就先叫我填份表證明我上左去,填完幾分鐘後有個男仔出嚟帶我入去,入到去個環境好似傳銷公司???有好多細圓枱每張枱有4張椅,咁坐底左無啦啦叫我關電話真係唔知咩理由???

一開始佢就介紹自己呀同叫我輕鬆D好似朋友咁傾計就得.
傾下傾下就向旅遊方向傾,傾完就開始講佢公司,佢話Rosland Park (下稱R&P) 係一間做旅遊業務嘅公司(又話係調查公司),R&P又有幾多世界各地酒店業權,啲酒店幾靚幾靚(睇相真係好靚).
佢話D酒店普通人卜酒店都要$XXXX一晚但係做R&P會員只要$XXXX便可住7day,但係做左會員便每年可選期下酒店一間住7day重要去到2031年共23年,但係由頭到尾都冇講會費係幾多.

好佢講完就叫個經理過嚟講最重要會費,原來仲分3重會費,分$1XX K - $8X K - $6X K (唔記得有咩分別)
但係心諗好似好so,出面旅行社去歐州一次都要幾K啦如果去足23次咪勁正.
講完價錢佢真係出口sell我啦,又話比幾K再分期供我唔行,就講比個優惠我$8800去一次加多個精選遊,我都話唔得須然真係好吸引.
但因為佢哋一開始已經講大話昆我上去,又話唔係sell嘢最後咪sell我入會,佢咁做法已經令我對Rosland Park 一啲信心都冇.
sell嘢手法90%似傳銷公司

我想問呢間公司係咪昆人

嘩....樓主，你算好彩 ，上到去佢哋嘅地方，居然走得甩，冇落叠！
其實呢啲傳銷公司已經存在香港好多年 ，好多苦主上到去佢地公司被迫要簽咭買佢哋貨不對版嘅會籍先至可以甩身  ，事後追討亦都好困難，好多時要報警求助。
可能你不問世事，呢啲投訴間中會喺電視新聞節目、報章或者週刊的投訴版見到！

Hong Kong people be careful!!!!!!!!!!

You are very smart for not being cheated but not so smart enough as you wasted your time in attending the useless meeting!!!!!!!

咁你點走得甩？應該佢冇咁容易比你走人。

由頭到尾都係個局，這套把戲已經好耐。

我都試過．

果次做完問卷過幾日有人打電話來,
話有超市現金卷送

個地址我找左好耐先找到,
上到去吾對路,
但已比佢見到,叫左我入去,
好彩我果日特登什麼也冇拿去,
身上就只有一百元...

佢見我什麼卡都冇,我又死口話自己係學生
佢冇我符就話第日再約過...

Never go there!!!!!!!!!!!!

我記得幾年前其中有兩單關於這類傳銷公司的投訴，當時係sell某幾個外國渡假屋的租住權，地方名我忘記了，但全都是陽光海灘的地方。這些公司的職員氹兩位事主如果繳交大概一萬至二萬蚊，就可一年內免費住這些渡假屋一星期，因為租住這些地方的價錢一向是很貴的，所以兩位事主覺得價錢吸引 便落叠碌卡成交！
點之第一位苦主隨後打電話去傳銷公司想book渡假屋嚟住，book咗大半年，每次都話滿座，但佢嘅會籍一年後就作廢，就算冇住過都不能退錢！
另外嗰位苦主仲慘，佢以為買咗會藉就可隨時入住，所以放大假便和女友買機票去到某國家，依照地址找到那渡假屋，點之屋主出嚟同佢哋講根本冇打算將自己間屋出租，他們聽後差啲暈低 回港後便去銷委會和在報章作出投訴！

You should go there and make a report to the police!!!!!!