你睇返八十年代的電影或漫畫之類
酒樓伙記唔肯沖茶,的士司機揀客唔識路,
中巴巴士佬鬧人....
我響94年做boy時,幫公司去銀行入數,櫃員小姐叫我自己寫入數字,
對白係:自己去果邊寫入數字啦,邊有人幫你寫?
我因為入世未深,真係自己走去寫...
家陣去到銀行咁好服待,我有d驚.....
13歲去拿回港證時,我見到入境處的職員鬧人....
鬧到唔肯幫一位仁兄做手續.....
我阿媽話生我時,響醫院問姑娘拿杯水飲都俾人鬧........
我早幾年入醫院,有男護同我講:你幾日無剃鬚,俾個鬚刨你哩?
以前聽老人家講,去差館或者房署之類見官,好似要求人咁先得...
我而家工作經常接觸政府各級公務員....態度好到....
有一次夜晚響街同朋友吹水,差佬走埋黎話:咁夜既?傾偈呀?俾個身份證睇睇...?
我之後問個朋友:你識條差佬架?咁好聲氣的?
朋友:唔識....!
年代唔同左
幸好我都總算經歷過少少....
今時今日都仲有d戒心....咁好服待係咪有陰謀?
可能真係有