小弟想同大家分享下我最近一次旅遊經歷，希望不要發生於大家身上。

上星期我參加了“花花”旅行社的大陸二日一夜溫泉旅行團，我終於見識到最令人難忙的領隊和導遊。

我簡短地講，0個個領隊除0左派船票同收小費之時可以聽到佢把聲之外，其餘時間我以為個領隊做0左我地其中一個團友。早上見到面，可以早晨都冇一聲，見到朋友都唔會咁啦。好啦，食飯既時候，通常領隊和導遊都會走黎問一問 “點呀…呢餸菜得唔得呀? … 有咩需要出聲就得啦” ， 但我地呢個領隊就勁啦，重慘過的團友冇得食，一去到餐廳，自己就坐定定等開飯。團友有冇餸上枱，唔好意思啦，麻煩自己主動問問侍應。再黎既，一般領隊和導遊都會話比團友知自己住邊間房，或者用溫馨提示(紙仔寫低)連房咭一齊派比團友，不過今次例外啦，除0左導遊比0左手提電話外，一概冇人知。 (大佬，我都唔知打本地電話使唔使錢!!) 到第二日，明明講好9點45分集合，10點正出發上車，我同幾個朋友8 點去浸多次溫泉啦，點知9點20分我另外冇浸溫泉既朋友急急咁話領隊要9 點30分集合，9點45分上車，佢話改時間就改時間，重要不停咁話快0的快0的。 當然我地一班冇理佢啦，不過連影合照都冇時間。最後啦，坐船返黎香港，人地 “康康”旅行社 既領隊就真係專業啦，佢落船前會同全團團友say goodbye ，再睇我地0個個，一早就排係船門前等落船，門一開即刻唔見人，你地自己顧自己啦。

導遊方面，又係一絕!! 佢衰表演慾強，不停咁講故事比我地聽。當然佢要攪氣氛，不停講野係佢既工作，冇人會反對。但佢有一個嗜好 --- 坐車唔比人訓覺!! 佢一定要團友聽佢講野， 一有人想訓就話點解你地成日訓覺0架， 要講多0的故仔令你地唔好訓。大佬!! 我地第一日要6點30分集合，早上5點幾要起身啦，上車訓一訓都好正常0者，點解唔比人訓呢? … 呢兩日聽佢講得最多既就係 “唔好訓啦，去旅行成日都訓” ，坐兩個幾鐘車又話唔訓得，重慘過軍訓!! 聽佢講野都唔緊要啦，不過佢講既野呢，同個景點九成無關，你地話咁聽黎做咩? 我地一班八個人本身坐車頭，但後來實在頂佢唔順，全部坐晒車尾，呢個時候佢又問係唔係唔想同我傾偈，所以坐都咁後，足足講0左兩﹑三次。最離譜一次佢有佢講故仔，我有我同朋友係車尾傾偈，佢突然咁叫我 “你收聲!!” ，我當然火都黎埋叫佢 “你講多次!!”，點知佢蠢到以為我叫佢再講多次個故仔!! 我地一團得19團友坐56坐旅遊巴，斷估我坐車尾兩個人傾偈唔會大聲得過你個speaker啦!! 最過份係佢有誤導團友之嫌，我知渡假村好偏遠，佢介紹一隻當地出名既蒸雞比我地當宵夜，咁我覺得佢sale呢0的野唔緊要，但佢既然話比團友聽村內冇野賣，最好啤酒﹑汽水都搵佢訂。我0的朋友開頭都問使唔使訂，但我明明記得入面有一間餐廳開到凌晨2點，唔會好似佢咁講咩都冇。當然最後有團友同佢訂啦，上當!! 點知佢訂既價錢同入面一樣或者貴過入面!!

最後，所有旅行團走前都會填意見書，但唔知係唔係唔鐘意我地，佢一份都冇派比我地，想寫意見都唔得!! 返到香港我當然打電話去投訴，佢地依家處理緊。希望大家唔會遇到佢地啦!! 我去咁多次旅行，可以講呢對孖寶真係一絕!!
嗱!! ..我專登同佢影影相，比大家認住啦。

相呢？？？？？？？

我覺得你唔滿意可以直接投訴
冇必要又放人地d相上黎比人睇
你咁冇品家同埋冇家教家
我可唔可以寫完你點衰點衰再放樓樓主個衰樣出黎比人睇
你又係一個想正死人,想人地比人炒左先安樂的人
咁我都祝你新年前比人炒啦

u can complaint but not appropriate to post the photo here

為此
我決定出團時唔再同客人影相

偷影無法子

因唔清楚成件事的真實情況，就樓主所講，覺得有如下問題，唔知樓主自己有冇反省一下呢？

1. 去旅行，除咗去享受，仲有係去增廣見聞。如果係瞓覺，係屋企瞓咪仲好，點解要比錢人讚仲要在旅遊車瞓咁辛苦先？
2. 如果個導遊一上車，就同團友講：“知道你地今朝一早集合，五點幾就起身，好辛苦啦，而家大家瞓下先啦”。你估講完有咩反映？仲有點解知道去旅行要早出身集合，自己唔安排好時間早D休息，反而怪導遊講解唔比你瞓？咩道理呀？
3. 導遊在講解，你同朋友傾計，第一唔專重導遊；第二增加影響其他團友；你有公德心嗎？反省下啦﹗你咁的行為，不但領隊﹑導遊會討厭你，團友都會覺得你冇家教。下次你參加旅行團唔該講聲，我絕對唔想同你一團去旅行。
4. 樓主去過幾多次旅行？知道領隊同導遊的分工嗎？
5. 隨便登人張相上網，你有尊重別人嗎？

受服務的事情，每人感受不同，不作評論！但如果真的不認同當事人的工作態度，你所付的導遊或領隊小費可以留待回到番香港時上旅行社支付，到時你便可一五一十地向旅行社反影你們的感受，這樣的反影投訴，好比書面投訴，因為主任或經理一定要接見，因為有錢銀交手！